Jonida Maliqi hapi dje festivalin e 58-të të ‘RTSH-së’ me këngën ‘Ktheju Tokës’, e cila i dhuroi të gjithëve të njëjtat emocione si një vit më parë. Me anë të një postimi në ‘Instagram’, këngëtarja ka treguar ndjesitë që ka përjetuar teksa ka kënduar edhe njëherë këngën përfaqësuese në ‘Eurovision’.
“Sërish rrëqethem, emocionohem dhe përjetoj kaq shumë adrenalinë kur këndoj ‘Ktheju tokës’. Faleminderit zysha ime e dashur për këtë këngë të magjishme që e dua kaq shumë. Këtë performancë e shijova përpos frikës së shkallëve. Sa hera herës harroja që nuk mundem të fluturoj e megjithatë mbrëmë këtë ndjesi e përceptova falë skenës së magjishme që realizuat më shumë përkushtim @veragrabocka dhe @alketavejsiu”, ka shkruar Maliqi krah postimit të saj të fundit në rrjetet sociale.
Kujtojmë se ‘Ktheju tokës’ u prit mjaft mirë edhe nga publiku në Izrael vitin e kaluar dhe ishin të shumtë fansat që ndanë video duke kënduar këtë produksion muzikor./revistawho.com
https://www.instagram.com/p/B6S8q-cn6D-/
