Rezarta Shkurta dhe familja e saj po jetojnë momentet më të bukura muajt e fundit. Pak kohë më parë bashkëshorti Rezartës, Ermal Hoxha, përfundoi dënimin e tij në burg dhe tashmë së bashku me vajzën janë ribashkuar për të zëvendësuar kohën që kanë humbur bashkë. Ditën e sotme Rezarta ka treguar se ata kanë udhëtuar si familje drejt plazhit dhe ajo ka ndarë bashkë me ndjekësit një moment shumë të veçantë nënë e bijë. Rezarta ka publikuar një video në të cilën vajza e saj Hera e pyet për emrat e planeteve. “Loja jonë e preferuar është të mësojmë për planetet dhe universin! Unë nxënësja dhe Herushi një mësuese shumë serioze”, ka shkruar Rezarta bashkangjitur videos.
Ajo çfarë bie në sy është se 5-vjeçarja përveçse i njeh shumë mirë planetet, arrin të flasë në perfeksion edhe gjuhën angleze. Rezarta ka treguar shpesh se Hera është një fëmijë mjaft aktiv dhe është shumë e talentuar edhe në pikturë. Kujtojmë se vogëlushja është fëmija i vetëm i artistes së njohur dhe pak ditë më parë Shkurta tregoi se për momentin nuk mendon të bëhet nënë për herë të dytë. /revistawho.com
