Pas sherrit që ndodhi me gazetarin Eni Shehu, drejtori i Teatrit Kombëtar, Hervin Çuli ka folur në lidhje me këtë çështje.
Në një intervistë për gazetaren Dasara Karaiskaj, Çuli thotë tërthorazi se ai nuk është njeri i dhunshëm, përkundrazi shumë frikacak.
“Une jam frikacak madje, e kam defekt fëmijërie, më rrihnin gjithnjë shumë. Nuk kam fituar kurrë në një betejë me grushta kur kam qenë i vogël. Unë nuk gjuaja, ata më gjuanin, madje më kanë quajtur “çun mami”. Kam qenë fëmijë i vetëm dhe shumë i përkëdhelur dhe kam qëndruar shumë afër tim eti dhe time mëje”, – thotë ai.
Duke folur për çështjen e shkarkimit, Çuli thotë me ironi se është në pritje të shkarkimit të tij.
“Pse pritet të të shkarkojnë?!”, – e pyet gazetarja.. “Jo, situata është normale fare, ndodhi diçka që s’duhet të ndodhte, po ç’rëndësi ka”, – përfundon drejtori i TK-së, Hervi Çuli.
Pas dhunës ndaj gazetarit të ABC, Eni Shehu, shoqatat e gazetarëve i kanë kërkuar Ministres Kumbaro shkarkimin e Çulit, por ajo nuk ka reaguar ende për këtë çështje.
Ndërkohë në mbështetje të gazetarit kanë dalë në mbrojtje edhe televizionet si Klan, ABC News, News 24, Ora News duke i bojkutuar lajmet e teatrit derisa kjo situatë të zgjidhet.
