Teatri Kombëtar do të drejtohet sërish nga Hervin Çuli, të paktën ky ishte rezultati i arritur në konkursin e zhvilluar për këtë post.
Lidhur me këtë vendim ka reaguar gazetarja dhe moderatorja e njohur Fiori Dardha, e cila nëpërmjet një statusi të publikuar në rrjetet sociale ka thënë se ky vendim ishte i parashikueshëm dhe se nuk habitet aspak.
“Çdo gjë që lidhet me konkurset në këtë vend është aq e parashikueshme sa as të bën fare habi që Hervin Çuli u rizgjodh drejtor i Teatrit Kombëtar.
I fusim dhe një “Shqiptarët nuk kanë bukë të hanë, ti flet për teatër..” dhe i paftë hajrin drejtorit kush ja ka parë edhe deri më sot!
Jemi mirë! Jemi shumë mirë! Në këtë vend shkon çdo gjë më së miri! Ta gëzojë!”- ka shkruar moderatorja në “Instagram”.
Pjesë e konkursit për postin e drejtorit të Teatrit Kombëtar kanë qenë edhe aktorët Ema Andrea dhe Genc Fuga. /revistawho.com
