Hilary Duff po ndihet mjaft e frikësuar, pasi po përndiqet nga një fans obsesiv , i cili është përshkruar nga policia si një individ ”me probleme mendore dhe me një personalitet mjaft obsesiv.”
Sipas TMZ, policia e kishte paralajmëruar aktoren se një burrë po e përndjek për t’i kërkuar martesë. Edhe pse ende nuk ka patur kontakt me të, aktorja ka marrë masat e sigurisë në shtëpinë e saj në Beverly Hills, pasi sipas informatave të policisë, përndjekësi ka marrë me qera një limuzinë për të takuar aktoren, madje ka tentuar të vjedhë edhe një krevat nga shtëpia e saj.
Përkundër kësaj, aktorja ka preferuar të mos paraqesë ndonjë denoncim kundër fansit, pasi pas procesit të gjatë të divorcit që është përballur Hilary me ish burrin e saj Mike Comrie, mesa duket nuk i ka mbetur ndonjë dëshirë e madhe për të protagonizuar përsëri një betejë gjyqësore.
