Nëse shtypja e gjakut ngrihet mjeku sigurisht se do ju rekomandojë ndryshime në mënyrën e të jetuarit para se t’ju japë barna. Dhe për këtë më poshtë keni disa këshilla që ia vlen të adoptohen ke apo nuk ke hipertension.
1-Shkurto sasinë e kripës. Nuk është për tu çuditur që kripa rrit shtypjen e gjakut. Një studim i ri i publikuar në gusht të vitit 2008 në ‘American Journal of Clinical Nutrition’ e konfirmon këtë. Studimi i më shumë se 11000 njerëzve ka zbuluar se dieta (të ushqyerit) me sasi të lartë sodiumi ishte drejtpërdrejtë e lidhur me shtypjen e lartë të gjakut.
2-Largo Stresin. Një shqyrtim i 107 studimeve të bërë për teknikat e zvogëlimit të stresit dhe shtypjen e gjakut ka zbuluar se meditimi, trajnimi i menaxhimit të stresit dhe relaksimi progresiv i muskujve ishin që të gjitha efektive në uljen e shtypjes së gjakut.
3-Alkooli. Ekspertët rekomandojnë jo më shumë se një gotë për femra dhe dy gota për burra në ditë. Në fakt, studimet tregojnë se kur ata që pinë shumë alkool shkurtojnë sasinë që pinë, edhe shtypja e gjakut zvogëlohet. Nëse pini alkool dhe jeni në rrezik të zhvillimit të shtypjes së lartë të gjakut bënë mirë që të ndaloni apo shkurtoni pirjen e alkoolit.
4-Çokollata e Zezë. Kënaqu duke ngrënë çokollatë për çdo ditë nga pak përderisa ajo është çokollatë e zezë. Studimet tregojnë se është e mirë për shëndetin e zemrës dhe se zvogëlon shtypjen e lartë të gjakut. Nuk ka nevojë të përmendim se çka bënë për disponimin tuaj.
