Histori dashurie në ‘Your Face Sounds Familiar’, Anxhela Peristeri shumë pranë Kastro Zizos

Këngëtarja Anxhela Peristeri, e cila sapo ka festuar 30 vjetorin e lindjes flitet se është afruar shumë këto kohë me artistin Klevis Bega, i njohur në muzikë si Kastro Zizo. Dy këngëtarët janë konkurrentë në spektaklin e Vera Grabockëss “Your face sounds familiar”, ndaj shihen gjithmonë e më pranë njëri-tjetrit. Sipas Story.al thuhet se nuk bëhet fjalë thjesht për një flirt mes tyre, por ndoshta për një histori dashurie që ka lindur në paskuintat e spektaklit. Ndërkohë për ata që kanë qenë sadopak të vëmendshëm të hënave e kanë vënë re sesa me dashuri sillen ata ndaj njëri-tjetrit në momentin e dhënies së pikëve, duke iu drejtuar njeri-tjetrit me fjalët “zemra ime”. Kastro pas prishjes së dy martesave ka deklaruar se s’ka pasur ndonjë lidhje serioze këto kohë, ndërsa Anxhela e shprehu hapur pak me shaka në spektakël se i mungon një burrë. Le të shohim nëse do e pranojnë ata lidhjen e tyre.