Modelja dhe aktorja e njohur, Bella Thorne njihet për sinqeritetin dhe së fundmi ka zbuluar detaje të shumta për jetën e saj. Bella ka qenë e ftuar në emisionin radiofonik “Chicks in the Office” për të treguar më shumë në lidhje me librin e saj më të ri “The life of a wannabe mogul: Mental Disarray”. Gjatë intervistës aktorja ka treguar se ajo asnjëherë nuk ka mësuar të numërojë dhe të lexojë. “Unë nuk flas për këtë gjë në këtë libër, por në librin e tretë tregoj se unë nuk kam mësuar asnjëherë të lexoj dhe unë mësova të lexoj duke lexuar skenare”, ka thënë ajo. Gjithashtu Bella ka zbuluar se ka mësuar vetë bazat e matematikës duke numëruar paratë e babait të saj. Megjithatë kjo nuk do të thotë se modelja nuk ka shkuar në shkollë, por ajo nuk ka mundur të mësojë për shkak të problemeve me disleksinë. “Më kujtohet kur nisa klasën e parë. Ishte e vështirë, pasi unë nuk mund të lexoja aq mirë sa fëmijët e tjerë. Truri im ngatërronte shkronjat si B dhe D apo M dhe W. Disleksia shfaqet ndryshe tek të gjithë ata që preken nga ky çrregullim. Për mua ma bënte më të vështirë të lexoja apo të shkruaja”, ka treguar Thorne. Gjithsesi jeta për Bella-n nuk ka shkuar keq, sepse në moshën 19-vjeçare ajo bleu vetë një shtëpi, është pronare e një labeli muzikor dhe ka fituar një ‘Oscar’. /revistawho.com
Histori suksesi, aktorja e famshme zbulon se asnjëherë nuk ka mësuar të lexojë dhe numërojë
