Fundet mund të jenë joshës, të vishen në punë, të jenë elegant apo të vishen në një ambient më pak formal, por të gjithë kanë një emërues: feminilitetin. Në një kohë të largët gratë evropiane fundet i kishin pjesë të veshjes së përditshme. Madje deri në atë pikë kur fjala fund u bë sinonim i gruas në gjuhën angleze. Megjithatë fundet nuk kanë qenë gjithmonë aq joshës siç janë sot.
Fundet janë një nga veshjet më të vjetra që njeh njeriu. Veshja që shënon edhe fillimin e civilizimit njerëzor. Madje në disa vende të botës ende sot e ruajnë fundin si veshje tradicionale edhe të meshkujve. Ashtu si gratë edhe burrat vishnin funde dhe artet e lashta tregojnë për meshkujt në funde, por me kalimin kohës ishin vetëm gratë ato që vishnin funde.
Fundet visheshin për të treguar njëkohësisht modestinë dhe prestigjin sepse para revolucionit industrial, prodhimi ishte shumë më i shtrenjtë. Deri në shekullin 19 ishin fustanet në model të ngushtë në bel me dekolte dhe të gjerë deri në fund të këmbëve. Por gjërat filluan të ndryshojnë në shekullin 19. Fustanet bëheshin më të ngushtë dhe nxirrnin më në pah format trupore. Në shekullin 20 vështirësitë e luftës kërkonin që gratë të vishnin funde më të shkurtra, më shumë veshje të përshtatshme për punë. Kjo shënon fillimin e një rrugëtimi të gjatë në zhvillimin e minifundit . Ndërsa arritjen e tyre përmbi gjunjë e shënon në vitet e 60-ta. Duhet theksuar se momenti definitiv i minifundit modern arriti duke u frymëzuar nga Andre Courreges, Mary Quant, që i dhanë forma joshëse minifundeve.
Minifundi Mary Quant
Ishte pikërisht Quant që i dhuroi gruas lirinë për të zgjedhur gjatësinë e preferuar të fundeve. Në Amerikë u njoh me ermin mikromini, i cili edhe sot vazhdon të jetë simbol i feminilitetit dhe zakonisht vishet në mbrëmje, në klube të ndryshme e argëtime me miqtë. Fundet sot janë bërë një element kryesor në veshjet e çdo gruaje; ata vishen me çdo gjë, që nga sandalet apo këpucët me takë të lartë e deri tek atletet kombinuar me një veshje sportive në pjesën lartë të tru[it. Gratë sot gëzojnë lirinë dhe mundësinë e zgjedhjes së minifundit që ëndërrojnë, të çdo modeli, madhësie, ngjyre apo materiali. /Revista Flatra
