Për ditëlindjen e tyre të parë morën një dhuratë të papritur: Një jetë dhe një të ardhme përpara e përballë njëra-tjetrës. Erin dhe Abby Delaney, binjaket nga Karolina e Veriut që në korrik mbushin një vjeç, ishin të ngjitura nga koka prej lindjes. Ato vuanin nga një gjendje e quajtur “craniopagus”, një rast i rrallë në mjekësi. Në Spitalin e Fëmijëve në Philadelphia ku janë kryer 23 operacione ndarjeje binjakësh, në 7 qershorsh vogëlushet hynë në një ndërhyrje që zgjati 11 orë. Në të u përfshinë 30 specialistë, neurokirurgë, kirurgë plasikë, anestezistë, infermierë me në kryer dr. Gregory Heuer dhe Jesse Taylor. Operacioni doli me sukses dhe dy vajzat po mbahen nën kujdes ekstrem, në terapi intensive.
Historia me fund të lumtur nisi që përpara se vajzat të vinin në jetë. Prindërit e tyre Heather dhe Riley, e mësuan gjendjen e vogëlusheve që kur e ëma ishte në javën e njëmbëdhjetë të shtatzënisë. Por ata nuk pranuan kurrsesi të hiqnin dorë prej tyre. Menjëherë nisën të kërkojnë qendra të specializuara për rastin. Lindja u krye me operacion dhjetë javë më herët./ revistawho.com
