Një histori e fortë shqiptare është transmetuar në rubrikën ‘Ka një mesazh për ty’ tek “E Diela Shqiptare” në Tv Klan.
Julia është vajza e cila ka marrë mesazhin më të pa pritur në jetë. Ajo është një fëmijë i birësuar e cila ka humbur prindërit e saj birësues. Julia nuk ka mësuar asnjëherë historinë e saj të vërtetë.
Nëna e saj e vërtetë Xhevahirja ka ardhur nga Italia për të takuar vajzën e saj Julia. Ajo kishte një lidhje dashurie me një djalë dy vjet më të madh dhe ngeli shatëzënë që në moshën 16-vjeçare.
Ndërkohë pas lindjes i dashuri i saj u nda nga jeta si pasojë e një sëmundje një muaj pas lindjes së vajzës.
Ndërkohë e rritur në një sistem të ashpër prindërit e saj e konsideruan këtë një turp. Xhevahires i kanë marrë vajzën nga materniteti në një mënyrë të çuditshme. Më pas ajo u martua dhe solli në jetë dy fëmijë. Ndërkohë bashkëshorti i saj nuk e di ekzistencën e kësaj vajze./Panorama
