I bezdisur duke marrë mesazhe në postën elektronike që i përkisnin dikujt tjetër me të njëjtin emër, Simon Edwards, një 46-vjeçar nga Lancashire, i shkroi Simon Edwards nga Yorkshiren, një 48-vjeçar që po ashtu merrte email-et e tjetrit. Kur kontaktuan, të dy mbetën me gojë hapur pasi zbuluan që përveçse kishin të njëjtin emër, kanë gati të njëjtën moshë, bëjnë ekzaktësisht të njëjtën punë (të dy janë këshilltar legalë në gjykatë, njëri ne Manchester e tjetri në Huddersfield, jo shumë larg) dhe që të dy shkojnë shpesh në stadium për të ndjekur ndeshjet e Manchester City për të cilën janë tifozë të çmendur. Një seri koinçidencash, bënë një komunikimi i tyre formal në email, të shndërrohej në një bisedë miqësore, derisa vendosën të takoheshin. Mirëpo surprizat nuk kishin mbaruar. Aty zbuluan që gratë e të dyve, quheshin njësoj, Tracy, që të dyja kanë lindur nga një fëmijë dhe janë po ashtu tifoze të Manchester City. “Ishte një takim vërtetë surreal. Kur zbuluam edhe për emrat e grave tona, filluam të dy të qeshnim si të çmendur. Nuk na besohej”, tregon njëri prej tyre. Pas këtyre ndodhive, Simon&Simon kuptuan edhe që shkojnë shumë mirë me njëri-tjetrin dhe kanë vendosur të bëhen miq.
HISTORIA E PAZAKONTE/ Kanë të njëjtin emër e profesion, shikoni çfarë zbulojnë kur takohen
