HISTORIA/ E pickoi merimanga në gjumë, rrezikon vdekjen në moshën 29-vjeçare

“Më përpara nuk i kisha frikë merimangat, tani më terrorizojnë”. Nuk mund të shprehej ndryshe një 29-vjeçare e cila rrezikoi jetën pas pickimit të një merimange. Ajo pësoi një infeksion kaq të rëndë sa i dëmtoi të gjitha organet jetësore. Më e keqja për Claressa Coleman, një grua që jeton në Arkansas, duke se ka kaluar. Gjithçka nisi në 26 qershor teksa flinte përkrah të shoqit, kur ndjeu një pickim të lehtë. Duke menduar për një mushkonjë çfarë, ajo ra në gjumë sërish. Të nesërmen pasi mbërriti në zyrë, kishte dhimbje të forta në stomak, e të vjella. Aty e dërguan në urgjencë. Analizat nxorrën në dritë të vërtetën e tmerrshme, gruaja ishte pickuar nga një merimangë. Pas disa ditësh gjendja e saj u bë alarmante, vrima e pickimit nisi të zgjerohej dhe organet jetësore të mos funksiononin. Atë e lidhën në makineri për ta mbajtur gjallë, ndërkohë i injektonin antibiotikët më të fortë, që pas ca kohësh nisën të sulmonin infeksionin. Situata nisi të përmirësohej në muajin e ardhshëm e më në fund mjekët e nxorrën nga spitali. Sot ajo është akoma me probleme shëndetësore, ndërsa veshkat i kanë pësuar dëmtim të parevokueshëm. Por 29-vjeçarja ndihet me fat që është gjallë./ revistawho.com