‘Make-up’ artisti me origjinë shqiptare Mario Dedivanovic ka arritur një sukses të jashtëzakonshëm në mbarë botën dhe cilësohet si një ndër më të mirët në fushën e tij. Mario në shtete të ndryshme të botës realizon disa ‘masterclass’, ku njerëz të thjeshtë mund të mësojnë disa teknika profesioniste ‘make-up’-i.
Një njërën prej tyre Mario ka nxjerrë në pah natyrën e tij më humane duke ndihmuar një çift të moshuarish. “Disa muaj më parë dëgjova historinë e Des dhe Mona, një çift nga Irlanda. Mona filloi të humbiste shikimin e saj dhe bashkëshorti Des filloi të merrte disa leksione në Irlandë për të mësuar si të aplikonte ‘make-up’-in për gruan e tij. Telefonova menaxheren time dhe i thashë se dëshiroja të ftoja Des dhe Monën në ‘masterclass’ dhe duhej ta realizonim këtë gjë. Zemra ime ndihet plot duke parë ata të dy përpara meje”, – ka shkruar Mario në ‘Instagram’. Kjo histori ka prekur një pjesë shumë të madhe të publikut irlandez disa muaj më parë.
Mario Dedivanovic shumë shpejt pritet të realizojë edhe ‘masterclass’-in e tij të parë në Shqipëri. /revistawho.com
