HISTORIA QE TRONDITI VENDIN FQINJE/ Burg për nënën që vrau djalin e saj, pasi zbuloi lidhjen intime me vjehrrin

Një nënë në Itali është dënuar me 30 vjet burg për vrasjen e djalit të saj 8-vjeçar. Ngjarja makabre ka ndodhur në Sicili, në Santa Kroçe. Nëna, Veronika Panarelo, vrau djalin e saj 8-vjeçar, pasi ai gabimisht zbuloi lidhjen intime që ajo kishte me vjehrrin e saj. Panarelo e mbyti djalin me fije kabllosh elektrikë dhe e hodhi trupin e tij në pyll. Ajo pati denoncuar në Polici se djali ishte rrëmbyer pasi kishte dalë nga shkolla, raporton Panorama. Mirëpo, kamerat e sigurisë treguan se ajo e kishte marrë vetë djalin në shkollë. E vënë para këtyre fakteve, Panarelo vendosi të tregojë të vërtetën.