Ervin Baku është një ndër zërat dhe emrat më të njohur të gazetarëve sportiv të “Radio Tiranës”. Ditën e sotme për herë të parë ai ka vendosur të rrëfejë për jetën e tij dhe vështirësitë që ka kaluar me sëmundjen e poliomielitit. Poliomieliti është një sëmundje që përhapet me anë të një virusi që prek nervat dhe mund të çojë deri në paralizë. E njëjta gjë ndodhi me gazetarin sportiv. Që kur ishte 3 muajsh Ervini u prek nga sëmundja dhe u paralizua, por më pas në moshën 6-vjeçare me ndihmën e mjekëve arriti të ecte me një patericë. Ervini thotë se kjo gjë nuk e ka penguar aspak edhe pse vazhdon të ecë edhe sot e kësaj dite me paterica. “Nuk kam ndier asnjë paragjykim. Unë besoj shumë në Zot dhe, quajeni si të doni, ai na survejon. Unë e shoh gotën gjysmë plot, por edhe kur jam në errësirë, shoh gjithmonë një dritë në fund të tunelit.” Megjithatë sot Ervin Baku është babai i dy fëmijëve që i quan si gjënë më të mirë që ka bërë në jetë, por të dy fëmijët jetojnë në Francë me ish-bashkëshorten e tij. /revistawho.com
