Pas ndarjes nga bashkëshorti i saj nga i cili mbeti pa asnjë kacidhe, Cara Brookins arriti të ndërtonte një shtëpi e vetme, për fëmijët e saj. Ajo arriti ta realizonte ndërtimin e shtëpisë vetëm falë videove “tutorial” në Youtube që tregojnë hap pas hapi të gjithë procesin. Blerja e një shtëpie ishte e pamundur për të, ndaj dhe për këtë arsye ajo mori vendimin më të rëndësishëm të jetës së saj, realizimin e një shtëpie me duart e saj. Pas një martese shumë të vështirë me abuzime dhe dhunë, ajo mbeti e vetme me fëmijët. Ajo nuk kishte pasur kurrë informacion rreth ndërtimit dhe vetëm nëpërmjet videove në youtube arriti të ndërtojë shtëpinë e ëndërrave të saj. “Une kam një marëdhënie shumë të bukur me fëmijët e mi dhe vendimin e morëm të gjithë bashkë. Në fillim nuk e kishim fare idene se çfarë po bënim”, – ka shpjeguar Brrokins në një intervitë për një televizion amerikan. Kjo eksperiencë ka qenë shumë e bukur për familjen aq sa ata kanë vendosur të botojnë një libër me titullin, “How a House Built a Family” (Si arriti një shtëpi të ndërtonte një familje).
HISTORIA/ Si e ndërtoi nëna e vetme shtëpinë, duke parë video në “Youtube”
