Futbollisti shqiptar Myrto Uzuni i ka dhënë rrjetit një tjetër moment të ëmbël familjar. Ylli i kombëtares ka shpërndarë një video nga dita e dasmës së motrës së tij, ku emocionet kanë qenë kryefjala e mbrëmjes.
Në postimin që ka bërë në “Facebook”, Uzuni ka shprehur urimet dhe gëzimin e tij me disa fjalë që preknin gjithkënd:
“Sot iu realizua ëndrra… dhe unë bëra gjithçka që motra ime të ndjejë lumturinë që meriton. Të trashëgohesh motra ime!”
Në pamjet e publikuara, nusja shfaqet duke vallëzuar mes të afërmve, ndërsa vetë Myrto shihet duke hedhur para, një zakon i njohur në dasmat shqiptare, që simbolizon mbarësi dhe festë.
Mesa duket ka pasur dhe nga ata që kanë bërë kritika dhe Uzuni ka reaguar me një përgjigje të dedikuar, ku sqaron se për familjen është i gatshëm të bëjë gjithçka.
