Holta Dulaku rikthehet tek ‘dashuria’ e parë, bën bashkë Inva Mulën dhe Ilir Shaqirin

Holta Dulaku, producentja e spektakleve ‘hit’ në Shqipëri si “Dancing With The Stars” e “Tu Si Que Vales”, ka vendosur t’i kthehet dashurisë së saj të vjetër, shfaqjeve musical. Dulaku ishte e para që solli në Shqipëri shfaqjet e famshme që ndërthurin në një skenë, këndimin, aktrimin dhe kërcimin dhe mesa duket nuk i ka harruar ende… Madje siç thonë burime për revistawho.com, ky projekt ka kohë që bluhet në mendjen e Holtës dhe të bashkëpunëtorëve të saj të ngushtë. Të njëjtat burime thonë se tashmë është zgjedhur kasti dhe pritet që shumë të nisë puna… Një foto e fundit e postuar nga Ilir Shaqiri krah producentes dhe divës së operas Inva Mula, na bën të mendojmë që pjesë e ekipit do të jenë edhe ata të dy, megjithatë asgjë nuk është konfirmuar ende.