Homazhe për dy pilotët e Forcave të Armatosura në Pallatin e Kongreseve

Në Pallatin e Kongreseve në Tiranë kanë nisur homazhet, në nder të dy pilotëve Donald Hoxha dhe Florian Deliaj, të cilët humbën jetën pas rrëzimit të helikopterit të Forcave të Armatosura. Aksidenti ndodhi në ditën e djeshme, në Grizhë të Malësisë së Madhe. Të afërm, miq dhe kolegë të dy ushtarakëve janë mbledhur në hollin e Pallatin të Kongreseve, ku po mbahet edhe ceremonia e homazheve në nder të tyre nga ora 12:00-14:00. Kapiten Florian Delia dhe togeri Donald Hoxha, të cilët humbën jetën në aksidentin tragjik gjatë një fluturimi stërvitor mbi liqenin e Shkodrës, u shpallën Dëshmorë të Atdheut. Në këtë aksident mbeti i plagosur edhe ushtari profesionist Gerald Baramuça./tvklan.al