DASHI
Do të jetë një ditë magjike për ju që i përkisni kësaj shenje në qoftë se do të arrini të largoni nga mendja mendime negative. Me kalimin e Hënës tek shenja e Shigjetarit, është momenti i duhur për t’iu kushtuar personave më të dashur për ju.
DEMI
Përqendrohuni më shumë tek projektet që do të realizoni në të ardhmen. Gjithashtu, kjo është një ditë e favorshme për sa i përket bizneseve të ndryshme. Gjallëroni më shumë marrëdhënien në çift, kohët e fundit paksa e distancuar si shkak i disa mosmarrëveshjeve që keni pasur.
BINJAKËT
Vështirësitë që do të hasni sot do t’i kaloni me lehtësi: mjafton të mos i dramatizoni situatat si dhe të dini si të kontrolloni disa të papritura që vijnë si pasojë e kalimit aspak të favorshëm të Hënës me shenjën tuaj. Dëgjoni me vëmendje këshillat e partnerit dhe personave më të afërt për ju.
GAFORRJA
Edhe pse sot energjitë tuaja nuk janë në nivelin e duhur, do të ndjeheni luftarak e mjaft dinamik. Në dashuri tashmë nuk ju mungon asgjë. Në punë, më me fat janë ata që punojnë në vartësi të dikujt.
LUANI
Ditë e shkëlqyer për të marrë rezultatet e disa iniciativave profesionale që i keni filluar gjatë javës që shkoi. Hëna në një aspekt të shkëlqyer me shenjën tuaj ju dhuron momente të bukura edhe në sektorin e ndjenjave.
VIRGJËRESHA
Mos u kushtëzoni nga Hëna negative dhe gjykimi i nxituar i familjarëve tuaj, të vendosur për të penguar një projekt mjaft ambicioz që keni në mendje. Sektori i ndjenjave paraqitet mjaft mirë.
PESHORJA
Nuk ju mungon shpirti i iniciativës dhe dëshira për të bërë figurë të mirë para të tjerëve. Kjo ju nxit të punoni sa më shumë për të arritur rezultate të shkëlqyera, që së shpejti nuk do të mungojnë.
AKREPI
Çështjet ekonomike do të jenë në qendër të vëmendjes tuaj. Më në fund do të gjeni zgjidhjen për disa probleme që ju shqetësonin, si dhe në të njëjtën kohë do të gjeni rrugë të reja për të rritur të ardhurat tuaja.
SHIGJETARI
Në krahasim me ditët e shkuara, atmosfera sot do të përmirësohet dukshëm dhe kjo do ju ndihmojë të merrni iniciativa të reja. Edhe për sa i përket sektorit ekonomik do të ndjeheni më të qetë: sidomos në qoftë se ishit në pritje të një shume parash.
BRICJAPI
Mos e ekzagjeroni me pretendimet tuaja, sepse një entuziazëm i tepruar mund t’ju sjellë shumë zhgënjime në fund. Mundohuni të sistemoni disa çështje familjare të lëna pezull dhe organizoni një mbrëmje të veçantë për ju dhe njeriun e zemrës.
UJORI
Kjo ditë do ju falë shumë kënaqësi. Do të jeni të rrethuar nga miqtë tuaj më të sinqertë, me të cilët mund të organizoni diçka të veçantë në mbrëmje. Nuk përjashtohen suksese në jetën sociale.
PESHQIT
Lodhja, nervozizmi dhe disa të papritura nuk do ju lejojnë të përqendroheni tek puna siç dëshironi, të vlerësoni më mirë anët pozitive të partnerit si dhe t’i kushtoni më shumë kohë argëtimit dhe mirëqenies tuaj. Mundohuni të jeni sa më të qetë, sepse që nesër gjërat do të ndryshojnë.
Panorama
