Ngjarja kryesore dhe përcaktuese për javën është eklipsi i hënës në datën 10 janar, i cili ndikon kryesisht përfaqësuesit e shenjës së Bricjapit, Gaforres, Dashit dhe Peshores, të lindur në fund të dhjetëditëshit të dytë dhe në fillim të të tretit. Jashtë loje nuk do të ngelen as përfaqësuesit e Demit dhe të Virgjëreshës të lindur në të njëjtën periudhë që është përmendur më lart. Ky eklips përcakton zhvillimin e ngjarjeve gjatë gjithë gjashtëmujorit që vijon në fushën që do të përmendet për çdo shenjë më poshtë, prandaj lexoni jo vetëm parashikimet për shenjën tuaj, por dhe parashikimet për shenjën e ashendentit, i cili ka të bëj me orën tuaj të lindjes. Ky eklips përcakton dhe ngjarjet sociale dhe politike në botë si dhe fenomene fizike dhe natyrore që do të ndodhin gjatë gjashtë mujorit e ku do të jetë një periudhë mjaft e vështirë nga 15 shkurti deri në fund të marsit. Kemi të bëjmë me fundin e një epoke dhe fillimin e një të reje, e cila saktë do të jetë më e mirë, por nuk mund të vij pa sakrifica. Jemi dëshimtarë të ngjarjeve që ndodhin në Lindjen e Mesme dhe në Australi dhe fatkeqësisht historia nuk ndalon këtu.
DASHI
Përqendrohuni në çështjet lidhur me shtëpinë pa lënë pas dore karrierën tuaj, e cila do të jetë dhe tema kryesore e këtij viti. Gjeni zgjidhje për disa nga çështjet që ju preokupojnë që në disa raste janë fenomene të psikologjisë suaj dhe jo të realitetit. Njëkohësisht kjo periudhë ju ndihmon të veproni dhe të merreni me veten tuaj. Do të ndiheni të tensionuar dhe nën presion ju të lindurit rreth datave 9-14 prill.
DEMI
Do të duhet të merrni vendime për akset kryesore të jetës, për të cilat zhvillimin e ngjarjeve do t’i shikoni të rrjedhin në gjashtëmujorin e parë. Mos lejoni që tensioni apo presioni që do të ndjeni të bëhet shkak për vendime të nxituara. Merrni kohën e duhur dhe vendosni pas të martës 14/1. Vendimet që do të duhet të merrni mund të kenë të bëjnë me jetën personale apo profesionale. Ndikoheni kryesisht dhe me aspekte pozitive të lindurit rreth datave 10-15 maj.
BINJAKËT
Eklipsi vendos theksin në financat tuaj dhe veçanërisht ato që kanë të bëjnë me pronën apo me arritjet tuaja. Disa prej jush ndoshta do të jenë të preokupuar me detyrime ndaj bankave, tatimeve apo bashkëpuntorëve. Shmangni kredit bankare gjatë kësaj jave dhe fillimit të javës që vjen dhe kujdes në çdo gjë që do të firmosni. Zhvillimi i një çështjeje personale apo erotike do të jetë shkak për gjendjen tuaj psikologjike.
GAFORRJA
Eklipsi në shenjën tuaj ju sjell përballë me situata lidhur me marrëdhëniet dhe bashkëpunimet tuaja. Gjërat janë jashtë kontrollit tuaj, thjesht duhet t’i pranoni dhe të shmangni tensionet apo konfliktet që do të lindin. Disa do të mbyllin një kapitull dhe të tjerë do të hapin një të ri. Një drejtim të caktuar mund të marrin dhe disa nga problemet tuaj financiare gjate këtyre ditëve. Ndikoheni kryesisht të lindurit rreth datave 11-17 korrik.
LUANI
Gjeni kohën të shplodheni, kujdesuni për shëndetin dhe shmangni fobitë që ju shqetësojnë kohët e fundit. Bëni një rishikim të gjithë veprimtarisë suaj dhe gjeni ku janë shkaqet e pengesave kryesore. Jepini vetes kohën e duhur dhe bëni bisedat dhe kontaktet që duhen për financat tuaja, çështjet do të gjejnë zgjidhje.
VIRGJËRESHA
Është një periudhë dinamike për ju, për jetën tuaj personale, por dhe për planet tuaja profesionale. Eklipsi i Hënës në datën 10/1, i cili ndikon kryesisht të lindurit rreth datave 12 – 17 shtator, krijon aspekt pozitiv me ju, megjithatë është e këshillueshme të mos merrni vendime nga e shtuna deri në fillim të javës që vjen. Shikoni gjërat me realitet dhe pastaj mund të bëni ndryshimet e duhura.
PESHORJA
Përsa i përket problemeve dhe çështjeve lidhur me shtëpinë dhe familjen tuaj erdhi momenti t’u jepet një zgjidhje dhe disa apo ato që janë kryesore, të marrin fund. Të preokupuar pas tyre, mos lini pas dore karrierën apo punën tuaj, e cila do të ketë pretendime dhe kërkesa të larta gjatë kësaj periudhe. Biseda dhe kontakte pozitive me kolegët apo njerëz nga puna juaj do të jenë ndihmë për ju. Ndikohen veçanërisht të lindurit rreth datave 12- 18 tetor.
AKREPI
Jeni gati të realizoni planet tuaja të mëdha dhe ndryshime të rëndësishme, por është e domosdoshme të shikoni detajet dhe mbi të gjitha personat me të cilët bashkëpunoni për realizimin e tyre. Kujdes në bashkëpunimet që mund të bëni gjatë këtyre ditëve, mos u nxitoni të firmosni dhe mos hyni në konflikte pasi është vështirë të ndryshoni kushtet apo rrethanat e krijuara më tej. Ngjarjet do të kenë karakter përfundimtar. Gjatë javës do t’ju preokupoj jeta juaj sentimentale dhe erotike.
SHIGJETARI
Me eklipsin e datës 10 janar financat tuaja kërkojnë kujdes të veçantë, pasi prej këtej vendoset dhe zhvillimi i tyre në gjashtëmujorin e parë. Disa prej jush do të gjejnë zgjidhje në problemet që kanë lidhur me to dhe disa të tjerë do të duan të bëjnë lëvizje apo investime, për të cilat është e këshillueshme të marrin kohën dhe të vendosin pak më vonë. Do të egzistojnë raste të mira për të përfituar në sferën financiare gjatë gjashtëmujorit të parë. Egzistojnë zgjidhje në pengesat që do të hasni dhe një nga ato është planifikimi dhe menaxhimi i mirë.
BRICJAPI
Pas Gaforres ju jeni protagonistët e eklipsit për të mos thënë se ju keni rolin kryesor. Gjithë ngjarjet e kanë burimin në shenjën tuaj pasi aty gjenden në këtë moment pjesa më e madhe e planetëve. Ndryshime rrënjësore për ju dhe për gjithë botën përcaktohen gjatë kësaj periudhe dhe gjatë këtij viti, të cilat kanë filluar që në 2008, por arrijnë të marrin drejtim përfundimtar këtu e dy vjet. Kështu ju të lindurit rreth datave 9 deri në 14 janar do të mbyllni një kapitull dhe do të kaloni më poshtë për të filluar diçka të re. Pranoni ndryshimet dhe shikoni me optimizëm të nesërmen, nuk ka kohë për rënie psikologjike. Krijohen kushte për jetën tuaj personale dhe për bashkëpunime, të cilat do të jenë fitimprurëse për të ardhmen, mjaft të pranoni të renë dhe të mos insistoni tek situata që kanë treguar se nuk udhëheqin diku.
UJORI
Java ka detyrime dhe kërkesa përsa i përket fushës profesionale dhe krijon kushte për biseda të karakterit financiar me bashkëpuntorët tuaj. Madje për disa do të gjeni zgjidhje apo do të merrni ndihmë. Nga data 10 dhe deri në fillim të javës që vjen është mirë të merrni kohën për t’u qetësuar duke lënë gjërat të marrin vetë rrjedhën e duhur dhe më pas do të shikoni dhe do të vendosni. Mos hyni në biseda që mund të jenë shkak i prapaskenave që mund t’ju kushtojnë.
PESHQIT
Periudha është e përshtatshme për tu preokupuar me diçka që ju pëlqen apo diçka krijuese. E sigurt është se eklipsi i Hënës në 10 janar, i cili ndikon fuqimisht dhe me aspekte pozitive ndaj jush, vendos theksin në jetën tuaj personale, erotike dhe në marrëdhëniet tuaja. Kujdes në mënyrën se si do të trajtoni marrëdhëniet egzistuese në qoftë se jeni të interesuar për ruajtjen e tyre. Disa të tjerë do të kenë shanse të dashurohen apo të bëjnë një njohje që do të jetë fatale apo do të ndryshojë jetën e tyre./revistawho.com
