Një ngjarje e tmerrshme ka ndodhur dje në itali, ku një vogëlushe shqiptare vetëm 1 vjeçe është masakruar nga dy qen të rracës pitbull. Ngjarja ka ndodhur në provinën Flero në Brescia. E vogla ndodhej në oborrin e shtëpisë kur është sulmuar nga qentë. I plagosur ka mbetur edhe gjyshi i saj në tentativë për ta shpëtuar. 1-vjeçarja ndodhej në shtëpi vetëm me gjyshin. Ajo ka dalë në kopësht për të luajtur dhe dy qentë e kanë sulmuar duke e lënë të vdekur në vend, nga plagët e marra në kokë. Përpjekjet e gjyshit për ta shpëtuar rezultuan të kota, ndërsa ai mbeti i plagosur nga kafshimet.
E ëma e vogëlushes, një italiane 22 vjeçe, nuk ishte në shtëpi. Ndërsa i ati shqiptar punonte prej disa kohësh në Gjermani, pasi humbi punën në Itali.
Kur policia mbërriti në vilën e zonës rezidenciale, ekzekutoi dy pitbullët të cilët nuk po lejonin as efektivët t’i afroheshin shtëpisë. Gjyshi i vogëlushes së vrarë u dërgua me urgjencë në spital dhe është jashtë rrezikut për jetën. Në spital është shtruar dhe e ëma e vajzës, e cila ndodhet në gjendje shoku./ revistawho.com
