Hueyda El Saied feston sot 34 vjetorin e saj të lindjes. Në fakt duket sikur ditëlindjet për të janë thjesht një festë, pasi në fytyrën dhe shpirtin e saj vitet nuk kanë lënë asnjë shenjë. Është po ajo balerina e viteve 90-të dhe energjia e saj mbetet e njëjtë. Megjithatë vitet kanë kaluar dhe në jetën e saj kanë sjellë disa ndryshime për të cilat ajo ka bërë edhe një shkrim të gjatë në profilin e saj të ‘Instagramit’.
“Sot kam shumë arsye për të festuar. E para sepse kur isha 24 vjeçe, unë i premtova vetes se kur të bëhesha 34 vjeçe do të isha më mire dhe unë kështu ndihem sot. E dyta sepse vazhdoj ende të numëroj jetën time nga buzëqeshjet. E treta sepse jam një nënë e lumtur, falë Gabrielit jeta ime është e plotësuar. E katërta, prej muajsh zemra ime është e mbushur me lumturi, ëndrrat e mia te çmendura u kthyen ne realitet dhe unë e di që gjërat e mira nuk kanë ardhur ende. Pesë, ditëlindjet janë një fillim i ri, një fillim i freskët me qëllime të reja dhe çdo ditë unë po eci përpara me konfidencë dhe kurajë. Kështu Gëzuar ditëlindjen për mua, por një falënderim i veçantë shkon për të gjithë njerëzit e mrekullueshëm që më kanë mbështetur këta muajt e fundit. Kështu në ketë ditë të veçantë dhurata ime më e mirë është Gabrieli dhe ju.” /revistawho.com
