Pedagogia dhe gazetarja e njohur, Ernestina Halili, vetëm pak ditë më parë humbi djalin e saj, Kejdin, në një aksident tragjik me motorr. Mes dhimbjes së madhe që po përjeton, ajo gjeti rastin për të shkruar disa rreshta e për të falenderuar të gjithë ata që iu gjendën afër dhe iu bashkuan dhimbjes së saj.“E dashur mike, mik, i njohur, i panjohur, student/e, të afërm, pedagogë të tim biri, shoqe e shokë të tij, kolegë, lexues… Përulem ndaj dashurisë, respektit, mbështetjes, dhimbjes, lotit, njerëzisë suaj!
Bota ende qëndron, se ka ende njerëz si ju! I lutem Zotit për çdo nënë, që derdhi lotë për tim bir, të ketë gëzim e paqë, t’i mbushet prehëri me nipa e mbesa! Bekuar qofshin vatrat tuaja! Era”, shkruan Halili në postimin e saj. Djali i saj humbi jetën bashkë me mikun e tij, Ergi Dini, disa ditë më parë në bulevardin Bajram Curri në Tiranë për shkak të një aksidenti me motorr.
