Ditën e djeshme ish-kryeministri i Shqipërisë, një nga politikanët më me influencë në historinë e këtij vendi, Sali Berisha, i tha përgjithmonë lamtumirë motrës së tij. Vajza e vetme e familjes Berisha, u nda nga jeta si pasojë e një sëmundjeje në moshën 77-vjeçare. Të gjitha mediat pasqyruan lajmin ndërsa ish-lideri i PD-së mori mijëra mesazhe ngushëllimi. E deri në mbrëmje vonë, Berisha e ndau dhimbjen me njerëzit e afërt. Më pas ai tha fjalë prekëse për të gjithë. Në llogarinë e tij në Facebook, ish-kryeministri tregoi gjithë dashurinë e pikëllimin prej vëllai.
STATUSI I PLOTE
Të dashur miq!
Sot familja jonë i dha lamtumiren e fundit motrës time, Hajrie Osmanaj!
Një mirënjohje të thellë të gjithë miqve dhe dashamirësve të shumtë, që me praninë dhe mesazhet e tyre lehtësuan dhimbjen tonë!
Hajria u nda nga ne në moshën 77 vjeçare pas një sëmundjeje, të cilën e përballoi me stoicizëm dhe dinjitet të vërtet.
Për mua dhe të gjithë familjen tonë dhimbja, pikëllimi nga kjo ndarje ishin të thella sepse, me dashurinë, mirësite e saj të pakufishme dhe përkushtimin ndaj të gjithë nesh, ajo nuk kishte moshë. Dashuria dhe mirësia njerëzore nuk kanë moshë.
Ndaj ne sot, duke e percjellë në banesën e fundit, i thamë vërtet lamtumirë Hajries tonë të dashur, por për të mbajtur gjithnjë thellë e përgjithmonë në zemrat tona kujtimin dhe dashurinë e saj! I lehte qoftë dheu sonte për ty motra ime e dashur!! sb/ revistawho.com
