Ajo që ne shohim nga jashtë sivjet, është një verë shumë e suksesshme (si shumë të tjera pararendëse në fakt) për kantautorin e talentuar Alban Skënderaj. Këngë të reja të kthyera në hite, koncerte kudo e njerëz pafund që e ndjekin e këndojnë njëzëri me të. Por nga ana tjetër, kjo verë shkaktoi për Albanin, me shumë gjasë dhimbjen më të madhe të jetës së tij. Ai humbi përgjithmonë nënën. Ndaj kjo stinë për artistin është edhe vuajtje, që ne nga larg nuk ia kuptojmë dot. Albani ka dashur që dhimbjen ta thotë me zë të lartë. “Mendoja se isha i aftë me fjalët, por me dridhet zëri sa herë që mendoj për ty. Gjuha e zemrës nuk ka nevojë për fjalë! TË DUA PËRJETËSISHT ENGJËLLI IM”, shënon ai krahas kësaj fotoje që mbledh të gjithë dashurinë e botës. Forca Alban, shumë adhurues janë me ty, gati për të të ngushëlluar!/ revistawho.com
Humbi përgjithmonë nënën, emocionon Alban Skënderaj: Më dridhet zëri…
