“Hyrrem” shtatzënë për herë të dytë, mediat turke: Kush është babai i fëmijës?

Aktorja turke shumë e njohur për shqiptarët nga roli i Hyrremit në serialin “Sulejmani i madhërishëm”, Meryem Uzerli së fundmi në një intervistë dha lajmin e bukur se do të bëhet nënë për herë të dytë. Aktorja e cila është nënë e një vajze, tha se e bija po pret me padurim për një motër. Ajo tregoi se është në muajin e pestë të shtatzënisë dhe e lumtur që ka krijuar familjen e saj. Mirëpo pas këtij lajmi, mediat turke menjëherë kanë nisur kërkimet për partnerin e Meryemit. Aktorja ka qenë shumë diskrete për jetën e saj private vitet e fundit. “Meryem Uzerli është shtatzënë për herë të dytë, kush është babai i fëmijës”-janë titujt e gazetave turke. Vetë aktorja ka preferuar të mos i komentojë lajmet dhe të vazhdojë ta mbajë sekret partnerin e saj./revistawho.com