Ditën e sotme, emisioni i Rudina Magjistarit ka pasur një të ftuar të veçantë. Bëhet fjalë për këngëtarin e njohur të muzikës popullore dhe vëllain e Vaçe Zelës, Hysni Zela. Gjatë intervistës me moderatoren, Hysniu ka folur për veten e tij, për familjen, si dhe ka zbuluar disa detaje interesante rreth fillimit të karrierës së Vaçe Zelës. Ai u shpreh se personi që e ka ndihmuar të njihej, ka qenë pikërisht babai i Rudinës, i cili në atë kohë ka qenë sekretar i parë, ose siç e quajmë në ditët e sotme, kryetar bashkie. “Ishte me fat Lushnja që e drejtonte një njeri me aq kulturë, si Petrat Magjistari. Ai na ndihmoi neve dhe gjithë qytetin. Ishte pikërisht ai që e prezantoi Vaçen dhe Petrit Dumën dhe i tregoi që ajo këndonte”, u shpreh vëllai i këngëtares. Ai gjithashtu tha se babai i moderatores ishte një nga mbështetësit më të mëdhenj të popullit në Lushnjë, duke e cilësuar atë kështu si një njeri me shumë vlera./revistawho.com
https://www.instagram.com/p/BvUhTqVjFfL/?utm_source=ig_share_sheet&igshid=17yo8l6r61f7r
