Errol Musk, babai i Elon Musk, ka dalë hapur në kritikën e tij ndaj të birit, duke shprehur shqetësim mbi aftësitë e tij si prind.
Gjatë një interviste në podcastin “Wide Awake”, Errol e akuzoi Elonin se nuk kishte qenë një baba i mirë, duke përmendur tragjedinë e djalit të parë të Elonit, Nevada, që vdiq kur ishte vetëm 10 javësh në vitin 2002, ndërsa ishte nën kujdesin e dadove. Errol kujtoi se gjatë periudhës kur Justine Wilson dhe Elon u ndanë, kishte deri në 12 dado që kujdeseshin për fëmijët e tyre, një situatë që ai e cilësoi si “shumë të çuditshme”. Ai shtoi se, pas ndarjes, kishte gjashtë dado nga secila anë të familjes.
“Kur u ndanë, ishin gjashtë dado nga njëra anë dhe gjashtë nga ana tjetër. Një situatë shumë e çuditshme”, tha Errol.
Në këtë intervistë, Errol sugjeroi gjithashtu se Elon nuk kalonte mjaftueshëm kohë me fëmijët e tij, një koment që ka shpërthyer në rrjetet sociale, duke shkaktuar reagime të shumta. Shumë njerëz kritikuan ashpër këto fjalë, duke marrë parasysh historinë e diskutueshme të Errolit, përfshirë faktin që ai ka një fëmijë me ish-njerkën e tij, Jana Bezuidenhout.
Përveç fëmijëve me Justine, Elon ka tre fëmijë me Grimes dhe të tjerë me partnerë të ndryshëm, përfshirë binjakët Strider dhe Azure me Shivon Zilis. Së fundmi, shkrimtarja Ashley St. Claire ka sugjeruar se ka një fëmijë të 13-të nga Elon, edhe pse ajo fshiu postimin e saj shpejt.
