Ben Moser and Mary Lapkowicz kanë qenë miq që në shkollën fillore. Ata kanë pasur gjithmonë një miqësi të veçantë. Mary është me sindromën “Down”, por kjo nuk ka ndikuar aspak në raportin e shkëlqyer mes dy të rinjve.
Për shkak të gjendjes së saj të veçantë, Mary nuk ka pasur miq të tjerë, madje në shkollë shokët dhe shoqet nuk i afroheshin. Por Ben ishte ndryshe nga të tjerët. Ben ishte një fëmijë shumë entuziast dhe kujdesej shumë për Mary. Ai përpiqej që ta ndihmonte që të integrohej në shoqëri dhe në aktivitete të ndryshme. Kur shihte që Mary ishte e mërzitur, ai e merrte me vete për të luajtur futboll. Ajo kënaqej pa masë.
Ben i kishte premtuar mikes së tij që do ta shoqëronte në mbrëmjen e saj që mbahet në përfundim të shkollës. Edhe pse ata nuk ishin në një shkollë, kur erdhi koha e mbrëmjes së veçantë, ai e mbajti premtimin.
Ben e mori për krahu vajzën me sindromën “Down” dhe e shoqëroi në mbrëmje, madje gjatë gjithë kohës u kujdes për të.
Atë ditë Mary është ndjerë vajza më e lumtur në botë. “Ben i riktheu asaj besimin në vetvete”, tha vëllai i vajzës. Ndërsa nëna e djalit është shprehur se ajo ndihet krenare për të birin./shqip/
