I biri dedikim prekës Azem Hajdarit për ditëlindje: Ti nuk prehesh i qetë derisa Shqipëria të bashkohet

Kiri Hajdari djali i madh i deputetit të ndjerë Azem Hajdari, i ka uruar të atit ditëlindjen me një dedikim shumë prekës. Nëse Azem Hajdari do të ishte gjallë, ai sot do të festonte 53-vjetorin e lindjes. Kiri shkruan se i ati nuk do të prehet në paqe derisa të realizohet ëndrra e tij për Shqipërinë e bashkuar me të gjitha trojet. “Babë, sot më tepër se në cdo ditë të vitit kam kaq shumë mall për të taku e me t’ rrok fort. Është dita jote e lindjes, është Marsi ky muaj që vetëm e shton dhe nuk e zbeh aspak kët mall. Kanë kaluar 17 vite që ti Babai , studenti, deputeti, idealisti, heroi i mungon Shqipërisë dhe Kosovës që Ti i deshe aq shumë. Gjithmonë e më shumë unë bindem se historia të jep vendin që ty të takon. Ti nuk jeton më sepse qarqeve anti-shqiptare nuk u pelqeu ëndrra jote për nji Shqipëri të bashkuar me të gjitha trojet e veta si të gjitha kombet e tjera Europiane, Unë e di që shpirti yt nuk prehet i qetë, deri atë ditë që Shqipëria të bashkohet me trojet e veta të ndara padrejtësisht”, ka shkruar djali i deputetit tropojan. Politikani Azem Hajdari u nda nga jeta në shtator të vitit 1998-të, ku u vra pabesisht përpara selisë së Partisë Demokratike. Ai la pas bashkëshorten e 3 fëmijë, dy djem dhe një vajzë.