Sergio Mayer Mori djali i aktores së njohur për rolin e saj në telenovelën Rubi, Barbara Mori është cilësuar si një nga të rinjtë më sexy në botën e spektaklit në Meksikë, e kjo falë bukurisë së trashëguar nga e ëma.
Por Sergio në ndryshim nga mamaja, nuk është i famshëm për talentin e tij, por për skandalet në cilat ai është protagonist. Sergio që në adoleshencën e tij është përfshirë në mjaft skandale si foto nudo, drog, alkool etj.
18 vjeçari njihet për lidhjet e tij dashurore të shumta, por një lidhje në veçanti do ta bëjë atë, baba së shpejti. Në fakt kjo temë është shndërruar në një skandal të vërtetë për familjen Mori-Mayer, pasi nëna e fëmijës së tij, një modele braziliane jo vetëm që është disa vite më e madhe se ai, por se familja është përpjekur ta mohoj këtë shtatzani. Madje ata i kanë kërkuar modeles të bëjë një provë ADN-je për tu siguruar nëse vërtetë bëhej fjalë për fëmijën e djalit të tyre 18 vjeçar.
Skandali u bë akoma më i madh kur u mor vesh se djali i Barbaras, lidhjen me modelen e kishte nisur qysh në moshën 17 vjeçare, pra nën moshë, gjë kjo që dënohet me ligj.
