Ditën e sotme në të gjitha mediat e huaja qarkullan disa fotografi të të dashurit të Dua Lipës, Isaac Carew, duke kërcyer me një vajzë. Gjithandej filluan të përhapeshin thashethemet se dhe këtë herë lidhja e Duas dhe Isaac nuk funksionoi, për shkak të tradhëtisë së këtij të fundit. Por duket se këngëtarja me origjinë shqiptare dhe i dashuri i saj nuk qëndruan duarkryq.
Isaac Carew publikoi në ‘Instagram’ një fotografi pranë Dua Lipës dhe me anë të një shkrimi të gjatë sqaroi të gjithë situatën. “Nuk dua të mendoni se Dua është në marrëdhënie me dikë që nuk e do dhe nuk e respekton atë. Ajo nuk do ta duronte dot atë gjë. Të dy ne, Dua dhe unë kemi rënë në duart e tabloideve që shkaktojnë dramë dhe na lidhin ne me njerëz të ndryshëm, me të cilët nuk kemi asgjë. Unë isha në një bar ‘gay’-sh duke kërcyer me një shokun tim dhe kjo duket në një dritë të keqe. Nuk kishte puthje dhe jam i zhgënjyer nga vetja që kërceva për një moment të shkurtër, duke qenë se u portretizua në atë mënyrë. Ishte një club me muzikë të lartë dhe unë isha duke folur në veshin e saj. Mos besoni çdo gjë që shikoni, sepse këta njerëz paguhen për të krijuar drama.”, – shkruan Isaac.
Më tej ai thotë se lidhja me Duan është shumë e fortë, duke konfirmuar përfundimisht rikthimin me këngëtaren. “Ne jemi shumë të lumtur që jemi rikthyer bashkë. Ne shpenzuam tre vite e gjysmë të lumtur së bashku me ndershmëri dhe dashuri dhe ne u ndamë për shkak të orareve që nuk kishim mundësi të takoheshim. Fatmirësisht, lëkura jonë është më e fortë dhe dashuria është më e fortë se kaq”, – thotë i dashuri i Duas. /revistawho.com
