E keni vënë re sa është rritur ndikimi i meshkujve në industrinë e grimit dhe sa shumë po shtohen çunat që e përdorin atë?
E vërteta është që ky fakt nuk duhet të na surprizojë, e as të na bëjë t’i shohim djemtë me sy tjetër.
Që në Egjiptin e lashtë meshkujt përdornin grim dhe depiloheshin në zona të caktuara.
Po ashtu në disa etapa të mëvonshme kjo traditë ka vazhduar, herë për arsye artistike, e në raste të tjera thjesht si dëshirë e personave të caktuar.
Në ditët e sotme, meshkujt renditen ndër personat më me influencë përsa i përket grimit, madje shumë prej tyre e kanë kthyer në profesion.
Industria dedikuar kujdesit ka nxjerrë më në fund në treg një sërë produktesh që i përshtaten lëkurës së djemve dhe burrave. Megjithëse ka shumë nga ata që nuk e kanë problem të përdorin produktet e grimit të femrave, të tjerë janë më skeptikë dhe shfrytëzojnë opsionet maskuline që ofron industria e make-upit./revistawho.com
