Një situatë e pazakontë u ndodhi gjatë transmetimit të “Top Story”, teksa diskutohej episodi i debatueshëm në “Big Brother VIP”, ku Jozi u përplas fizikisht me Gjestin.
Mes komenteve dhe opinioneve për ngjarjen, në redaksi mbërriti një mesazh befasues nga një vajzë shqiptare, e cila rrëfente se pas incidentit, marrëdhënia e saj me partnerin nga Kosova ishte vënë në pikëpyetje.
“I dashuri im nga Kosova është mërzit me mua dhe ka dy ditë që nuk flasim. Nuk e di a dua të mërzitem që nuk flasim apo për arsyen”, shkruan ajo.
Mesazhi shkaktoi reagime në studio, me shumë që u ndanë mes habisë dhe humorit. Por për vajzën në fjalë, situata duket serioze: një konflikt në ekran që ka ndikuar realisht në jetën e saj personale.
