Pamja e buzëqeshur dërguar të vëllait pak para vdekjes, është gjithçka mbeti nga Olga Emelyanova, një 28-vjeçare ruse nënë e dy fëmijëve. Ajo shikonte nga celulari ndërsa ai drejt, duke i dhënë makinës. Më pas asgje, heshtje. Gruaja nuk u përgjigj më dhe për 6 ditë u zhduk. Për vrasësin e saj gjithçka ishte në rregull, por nuk kishte llogaritur “selfie”-n që ajo i dërgoi të vëllait.
Olga, një vajzë shumë e bukur, e kishte njohur Rasim Sadykov 30 vjeç, në një faqe për takime në internet. Ajo ishte e divorcuar me dy fëmijë 10 dhe 3 vjeç, Denis dhe Kristina, me një dëshirë të madhe për të nisur nga e para. Atë ditë kishte pranuar ftesën e Rasim për të bërë një udhëtim, një piknik romantik jo shumë larg shtëpisë. Gjatë rrugës ajo i dërgoi edhe një “selfie” e qeshur vëllait të saj Evgeny Andreev.
“Po shkojmë diku” i kishte shkruar. “Në pyll?”, e kishte pyetur i vëllai. “Po” ishte përgjigjur ajo shoqëruar me një buzëqeshje, për t’u zhdukur më pas përgjithmonë. Familjarët iu drejtuan policisë që për 6 ditë kontrolloi të gjithë zonën përreth Salavat, qytetit të Olgës. Trupi i saj u gjet i fshehur në shkurre në pyll.
“Mendoi se kishte bërë gjithçka në rregull për të mos u kapur. E kishte mbytur me litar, më pas kishte fshehur trupin dhe çdo provë, për t’u transferuar në një qytet tjetër. Në fakt për vrasjen nuk kishte asnjë dëshmitar. Por kishte harruar atë “selfie” që Olga kishte shkrepur pak para se të vdiste”, tha policia për kanalin NTV.
“Po shkonte gjithçka mirë e shumë romantike, kur ajo më kapi nga qafa dhe më shtyu me dhunë. Aty unë mora litarin dhe e mbyta”, mësohet të jetë shprehur vrasësi. Ndërsa sipas policisë ai e ka mbytur pasi e reja ka refuzuar të ketë raporte seksuale me të. Sipas mediave vendase vrasësi rrezikon deri në 15 vite burg.
Ndërkohë ish-burri ka bërë një dedikim për Olgën në Facebook duke shkruar “Prehu në paqe e zemër… Të doja, të dua e do të të dua përgjithmonë”./ revistawho.com
