I dhanë fund pas 3 vitesh bashkë, “Syhan” flet për herë të parë për ndarjen nga partneri

Aktorja turke Tuba Buyukustun pak muaj më parë i dha fund lidhjes me partnerin e saj Umut Evirgen. Lajmi u bë i ditur nga mediat turke të cilat shkruanin se shkak për ndarjen e tyre ishte bërë xhelozia. Deri më sot Tuba kishte preferuar të mos i komentonte lajmet, por duke qenë se prej kohësh mediat vazhdojnë të flasin për përfundimin e lidhjes së tyre 3 vjeçare, aktorja ka vendosur të flasë. Përmes një postimi në Instagram, ajo tregoi se vazhdon të ruajë respekt për ish-partnerin dhe konfirmoi se prej muajsh ata nuk janë më bashkë. “U ndava me Umut disa muaj më parë. Prezenca dhe rëndësia e tij në jetën time kanë një peshë të madhe. Mendoj se privatësia jonë duhet të respektohet. A nuk e meritojmë ne artistët respektimin e privatësisë si qenie njerëzore?”, shkruajti aktorja. Kujtojmë që Tuba Buyukustun ka dy vajza nga martesa e saj e mëparshme.