Në Big Brother VIP 5, një klip i vetëm mjafton që një marrëdhënie të ndryshojë temperaturë dhe një dyshim të kthehet në diskutim kombëtar. Pas Prime-it të së shtunës, dinamika mes Selinës dhe DJ Gimbos u fut në fazën më delikate, atë ku publiku nuk sheh më vetëm flirtin apo lojën, por edhe etikën.
Sipas materialit të publikuar, gjithçka u ndez kur u transmetua një video ku Selin shfaqej duke folur “me kode” dhe me zë të ulët me Mirin, një sjellje që u lexua si sinjal i një loje “me dy porta”. Për Gimbon, momenti u përjetua si një thikë pas shpine, jo vetëm si xhelozi, por si zhgënjim ndaj sinqeritetit që, në sytë e tij, rrezikonte të kthehej në naivitet.
Si gjithmonë, drama e BBV nuk mbyllet te muret e shtëpisë. Jashtë, ajo shndërrohet në deklarata, qëndrime dhe “kampe” morale. Dhe këtë herë, zëri më i fortë erdhi nga motrat e DJ Gimbos, të cilat reaguan publikisht në Instagram, duke e kthyer situatën në një diskutim për kulturën, respektin dhe sjelljen ndaj vajzave brenda shtëpisë.
Njëra prej tyre, Elona, e ngriti Gimbon në status simbolik, jo thjesht si vëlla, por si model sjelljeje:
“King je për edukatën dhe kulturën që e tregon aty brenda çdo ditë! Gjithmonë me kokën lart, mos harro i drejti fiton gjithmonë…”.
Një fjali që tingëllon si mbështetje, por edhe si paralajmërim për këdo që tenton ta përdorë “pastërtinë” e tij si dobësi.
Tjetra, Finesa, ishte edhe më drejtpërdrejtë, duke e kthyer historinë në një leksion publik mbi respektin:
“E ke edukat të familjes respektin ndaj vajzave se je rrit me ni familje veq me vajza kshtu që vazhdo tregoj edukatën aty se kanë nevojë. Për neve gjithmonë The Champion.”
Në pak rreshta, mesazhi ishte i qartë: edhe kur loja bëhet e ndërlikuar, standardi i sjelljes nuk negociohet.
Kjo është arsyeja pse situata Selin-Gimbo nuk po komentohet më vetëm si marrëdhënie. Po lexohet si një test reputacioni. Sepse në BBV, publiku nuk voton vetëm emocionin, voton edhe idenë e drejtësisë që do të shohë të fitojë. Dhe kur familja del hapur në mbrojtje, rrëfimi merr një tjetër dimension: nga romancë e mundshme, në betejë perceptimi.
Pyetja tani nuk është thjesht “çfarë do bëjë Selin?” apo “si do të reagojë Gimbo?”. Por, a do ta kthejë kjo histori dyshen në “qëndër të vëmendjes, apo do të shënojë momentin kur publiku vendos se kush po luan pastër dhe kush po luan dyfish?
