Personazhet e njohur në përgjithësi preferojnë që jetën e tyre private ta mbajnë sa më larg vëmendjes mediatike dhe të publikut. Megjithatë ka dhe të tjerë që nuk e kanë problem të ndajnë gjithçka me fansat, madje të publikojnë herë pas here foto me familjen dhe fëmijët. Për më tepër një pjesë kanë krijuar llogari të veçanta në rrjete sociale vetëm për të vegjëlit e tyre, që nga dita kur kanë ardhur në jetë. Tashmë kjo nuk është diçka e re, sepse prej kohësh është përhapur si një lloj trendi në mbarë botën që e ndjekin shumë personazhe të famshëm. Shumë njerëz mund të jenë kundra kësaj, por siç duket këta të njohur kanë gjetur mënyrën duhur të menaxhimit të faqeve të fëmijëve dhe nuk shohin asnjë lloj problemi në krijimin e një llogarie. Edhe disa VIP-a shqiptarë kanë krijuar llogari të fëmijëve të tyre në ‘Instagram’ dhe mund të themi se tashmë bebet kanë arritur të njëjtën famë me ta. Ndër të parët që e kanë hapur profile të fëmijëve të tyre kanë qenë Big Basta me Vesa Lumën dhe Çiljeta.
Më pas vitet e fundit është parë si një trend në rritje dhe shumë të tjerë kanë ndjekur të njëjtën rrugë si: Adelina Tahiri, Mozzik me Loredanën, Elita Rudi me Gjikon, Emina Çunmulaj dhe së fundmi edhe Linda Halimi.
Deri më sot vogëlushja e Mozzik dhe Loredanës, Hana, zë vendin e parë për sa i përket numrit ët ndjekësve, plot 251 mijë të tillë.
Me siguri me kalimin e kohës këta bebe VIP do të arrijnë të thyejnë edhe rekordet e vendosura nga vetë prindërit e tyre. /revistawho.com
