Historia që mbylli puntatën e natës së kaluar të programit “Dua të të bëj të lumtur” ishte ajo e Kaltrës, vajzës 13-vjeçare. Në studio kishte ardhur mamaja e saj, Arta e cila dëshironte qëta surprizonte atë duke i festuar ditëlindjen. Arta ia festonte çdo vit ditëlindjen Kaltrës, por këtë herë përshkak të gjendjes së fatkeqësisë natyrore në të cilin ndodhet vendi, nuk kishte mundur.
Programi “Dua të të bëj të lumtur” për t’ia festuar ndryshe ditëlindjen Kaltrës nga herët e tjera kishte menduar disa surpriza për të. Në ekran u shfaq në fillim një video-mesazh nga shoqet e saj më të ngushta të cilat i uronin ditëlindjen vajzës së vogël. Surpriza më e madhe ishte kur në një lidhje direkte u shfaqën dy idhujt e Kaltrës, moderatorët Xhemi Shehu dhe Ermal Mamaqi.
Xhemi Shehu dhe Ermal Ma maqi u shprehën se dëshironin shumë të ishin në studio për të festuar ditëlindjen e Kaltrës, por përshkak të rregullave të ruajtjes së distancës nuk kishin mundur. Xhemi u shpreh se Kaltra dhe ajo kishin diçka të përbashkët sepse të dyja e kishin festuar ditëlindjen në kohë “lufte”. Ndërsa Ermal Mamaqi iu drejtua me këto fjalë: “Dhuratën më të madhe që mund të të jap është këshilla që ti të shohësh veten tënde 10 vite më vonë dhe të plotësosh çfarë dëshiron ti brenda këtyre viteve”.
