I ftoi djalin e shokut në studio, Arian Çani merr në telefon Nard Ndokën në orën 1 të natës

Në studion e Arian Çanit mbrëmë, ishte i ftuar një këngëtar i ri me emrin Kristi i cili përdorte emrin e artit Don Pine. Drejtuesi i “Zonë e Lirë” sqaroi se kërkesat e këngtarëve të rinj për të shkuar në studion e tij ishin të shumta, por ai kishte bërë një përjashtim. Çani tha se ia kishte kërkuar miku i tij Nard Ndoka. E teksa ora shënonte 01:00 pas mesnate, ai i bëri një telefonatë “live” Ndokës, i cili sipas Çanit ishte zgjuar duke pritur daljen e listës së kandidatëve të Partisë Demokratike për zgjedhjet e 25 qershorit. E në fakt Ndoka ishte zgjuar dhe i tregoi Arianit në kohë reale, disa prej emrave të kandiduar në listën e Lulzim Bashës. Ai tha se vetë ishte i pesti në listën e Shkodrës, ndërsa zbuloi ndër të tjera se ish-kryeministri Berisha kandidon i 7-ti në Tiranë. Kujtojmë se mesnata e të shtunës ishte afati i fundit që PD të dorëzonte listën në KQZ./ revistawho.com