Elvana Gjata dhuroi një performancë, e cila u duartrokit gjatë mbrëmjen e kaluar në pallatin e kongreseve teksa këndonte dhe kërcente njëherazi me këngën e saj të titulluar ‘Me tana’. Ndonëse një pjesë e koreografisë ishte menduar të kërcehej me shami, Gjata e ‘humbi’ atë në skenë gjatë lëvizjeve të shumta, megjithatë kjo nuk e penalizoi për ta realizuar performancën ashtu siç ishte menduar.
“Unë e humba shaminë mbrëmë, por ju mos u ndalni, më dërgoni video me shaminë”, ka shkruar Elvana krah fotos së fundit në ‘Instastory’ ku shfaqet duke kërcyer.
Këngëtarja i ka ftuar të gjithë fansat e saj të kërcejnë së bashku me të duke realizuar video të ndryshme me shami nën ritmet e këngës ‘Me tana’. Kujtojmë se nata e dytë e festivalit të ‘RTSH-së’ do të mbahet mbrëmjen e sotme, ndërsa finalja do të rezervojë plot surpriza në datë 22 dhjetor./revistawho.com
