Marrëdhënia mes Morena Tarakut dhe miliarderit iranian, Sasha Sobhani ka qenë një ndër më të diskutuarat në mediat rozë. Pak muaj pasi e bënë publike, dyshja e njohur i dhanë fund lidhjes dhe lanë të kuptohej se nuk ishin ndarë miqësisht. Në postimet e saj në ‘Instagram’ Morena tregonte se Sasha ishte homoseksual, ndërsa ai pas ndarjes publikoi foto dhe video me disa vajza të tjera. Megjithatë duket se tashmë mes tyre nuk ka më hatërmbetje dhe të dy ruajnë raporte të mira. Ditën e sotme Morena feston ditëlindjen dhe Sasha ka vendosur ta urojë publikisht. Ai ka postuar në ‘Instastory’ një fotografi të Morenës dhe përkrah saj ka shkruar: “Gëzuar ditëlindjen”.
Nuk dihet se si i është përgjigjur Morena këtij urimi, por me siguri duhet ta ketë pritur mirë. Së fundmi këngëtarja shqiptare po përflitet për një tjetër histori dashurie dhe nga postimet e saj në rrjete sociale ka treguar se është fejuar. /revistawho.com
