Arbër Çepani, moderatori i njohur ka vendosur t’i japë fund rrugëtimit me programet e mëngjesit duke hequr përfundimisht dorë nga ky format televiziv, pas tre sezonesh në drejtimin e ‘Mirëmëngjes Shqipëri’ në ‘RTSH’. Krahas një fotoje me kolegen e tij dhe bashkëshoqëruesen në këtë udhëtim 3-vjeçar, Arbri i ka emocionuar të gjithë me fjalët e zgjedhura që më shumë se çdo gjë tjetër shprehnin mirënjohje.
“3 sezone, 3 vite të jetës time, 1095 ditë përkrah jush çdo mëngjes, nëpërmjet dritares së televizionit…Kanë qene ndër vitet më të bukura të jetës time profesionale dhe personale. Jam munduar me çdo forcë, me çdo frymëmarrje, me çdo energji të jemi edhe zëri juaj edhe zëri i atyre që punojnë çdo ditë për një vend ku ujiten ëndrra dhe vendi nuk i njihte. Falenderoj nga i pari tek i fundit çdo pjesëtar të stafit “Mirëmëngjes Shqipëri”, nga gazetarët tek kameramanët. Falenderoj drejtorin e programacionit, mikun tim, Rezart Aga që ka besuar gjithmonë tek unë që nga dita e parë. Falenderoj drejtorin e përgjithshëm Z. Thoma Gëllçi, që në ditë jo të lehta lirie fjale si këto që jetojmë, ka respektuar gjithmonë lirinë time të mendimit, duke vërtetuar për të disatën herë, që televizioni publik sot, është më publik se asnjëherë. Falenderoj kolegen Blerinën, që ma bëri shumë më të bukur këtë udhëtim, tani besoj jemi gati të aplikojmë për ndonjë studim mbi “harmoninë midis kolegësh”! Por mbi të gjitha ju falenderoj ju. Dashuria që më keni dhuruar nëpërmjet mesazheve dhe përqafimeve tuaja pas çdo emisioni i ka dhënë kuptim çdo lodhjeje dhe sakrifice. Ka ardhur momenti që të mbyll këtë kapitull të jashtëzakonshëm për mua të emisioneve të mëngjesit, për t’iu dedikuar më shumë sipërmarrjes dhe projekteve të reja televizive. Ju dua shumë. Dhe nga zemra faleminderit”, ka shkruar Çepani.
https://www.instagram.com/p/B0nlRvfn9Yv/
Siç edhe ai e ka theksuar, projekte të reja me Arbrin në krye pritet të vijnë, na mbetet vetëm të presim për të zbuluar surprizat e radhës nga ai. / revistawho.com
