Ylli botëror Paris Hilton ka folur me fjalë shumë pozitive për dy këngëtaret me prejardhje shqiptare, Rita Ora dhe Bebe Rexha, në një intervistë të fundit për Telegrafin. Ajo ka treguar se me të dyja artistet ka një marrëdhënie të ngushtë miqësore, duke shprehur admirimin për punën, karrierën dhe personalitetin e tyre.
“I dua shumë Ritën dhe Beben. Janë vajza fantastike, shumë të talentuara dhe shumë argëtuese”, është shprehur Hilton.
Ajo ka zbuluar edhe më shumë rreth raportit të tyre shoqëror, duke i përshkruar si persona të sinqertë dhe me zemër të madhe.
“Sa herë që jemi bashkë, kalojmë për mrekulli. Janë të vërteta, me zemër të madhe, të bukura brenda dhe jashtë. I dua si motra, jemi shumë të afërta dhe jam vërtet krenare për të dyja. Mendoj se janë artiste të jashtëzakonshme, me shpirt të madh dhe që gjithmonë shkëlqejnë”, ka shtuar ajo.
