Me kalimin e javëve, aktori i njohur i humorit, Bes Kallaku ka zbuluar dhe aktorët pjesëmarrës në projektin e tij më të fundit kinematografik, me titull ‘Falco’. Mbrëmjen e sotme Besi ka publikuar një foto të opinionistit të njohur, Olti Curri i cili shfaqet i shtrirë në krevat në ambientet e spitalit, i fashuar tek këmbët dhe duart.
“@olticurri ka thyer këmbë dhe duar, e kanë zënë haqet tona. Sonte festë për të gjithë”, ka shkruar Kallaku krah postimit ku ka etiketuar dhe titullin e filmit. Nuk dihet ende se çfarë roli do të ketë Curri në këtë projekt, megjithatë kjo mbetet një surprizë për të gjithë ndjekësit deri në momentin që projekti do të shfaqet në të gjitha kinematë. Deri më tani Besi ka zbuluar emra të tjerë të njohur të estradës shqiptare të cilët do të jenë pjesë e produksionit të ‘Falco-s’, si Bleona Qerreti, ish-trajneri i kombëtares Gianni De Biasi, Unikatili etj./revistawho.com
https://www.instagram.com/p/B3NSWKIBndI/
