Pas pesë vitesh dashuri, Van Hunt ka bërë hapin e madh: i ka propozuar martesë Halle Berry-t. Unaza tashmë është në dorën e aktores 58-vjeçare, por përgjigjja e saj nuk ishte ajo që shumë prisnin.
Në një intervistë për Today.com, këngëtari konfirmoi se ka bërë propozimin dhe shtoi me humor: “E bëra propozimin dhe është ende në pritje, siç mund ta shihni,” – deklaroi ai gjatë paraqitjes së tij të parë të përbashkët me Berry në episodin e 4 qershorit të Today with Jenna & Friends.
Por pse po vonon përgjigjja e saj?
Halle Berry shpjegoi arsyet që e kanë bërë të jetë më e rezervuar kur bëhet fjalë për martesën. “Epo, unë kam qenë e martuar tri herë. Van është martuar një herë, kështu që jo, nuk ndiejmë se duhet të martohemi për të vërtetuar dashurinë tonë në asnjë mënyrë. Nuk e bëjmë,” – tha ajo, duke nënvizuar se për ta, lidhja funksionon edhe pa një kurorëzimi zyrtar.
Aktorja ka qenë më parë e martuar me Olivier Martinez, me të cilin u nda në vitin 2015. Para tij, ajo kishte pasur martesë me ish-lojtarin e bejsbollit David Justice dhe më pas me këngëtarin/aktorin Eric Benét.
Edhe pse aktualisht nuk ka pranuar propozimin, Berry nuk e përjashton mundësinë që në të ardhmen t’i thotë “po” Van Hunt-it.
