Nusja e shtëpisë Oberoi , Anika është jo vetëm shumë tërheqëse, por ka edhe një trup në super formë. Në një intervistë së fundmi aktorja që luan rolin e Anikës, Surbi Çandna ka zbuluar se rënia në peshë i ka dhënë vetëbesim për shkak se tani mund të veshë të gjitha fustanet që i dizenjojnë stilistët. Por ky ishte edhe një kriter që ajo të merrte rolin në një serial. “Që të luash rolin kryesor duhet të jesh e dobët në trup sepse vetëm vajzave të dobëta i japin role kryesore” –është shprehur aktorja. Ajo ka treguar se e ka shumë inat palestrën dhe ka zbuluar marifetin e saj për tu dobësuar. “Unë e urrej palestrën. E vetmja gjë që kam bërë për tu dobësuar ka qenë kërcimi zumba. E shijoj shumë kërcimin dhe brenda 1 ore kam humbur 350 kalori”-ka treguar Surbi Çandna.
