Finalisti i “Big Brother VIP Albania 4” dhe aktori i njohur Laert Vasili ishte i ftuar së fundmi në emisionin “Live From Tirana” me Ronaldo Sharkën, ku ndau me publikun momente interesante nga karriera, përvoja në reality show dhe thashethemet më të çuditshme që ka dëgjuar për veten.
Me humor karakteristik, Laerti tha:
“Unë rezultoj i martuar, kam një vilë me pishinë në Athinë, pastaj rezultoj që kam fëmijë… Ka pafund.”
Kur u pyet nëse ka fëmijë, ai u përgjigj me ironi:
“Jo, me sa di unë.”
Ndërsa Ronaldo shtyu bisedën më tej, duke i kujtuar intuitën e artistëve, Laerti tregoi një skenar “filmik” që ai e ka imagjinuar shpesh si një déjà vu:
“Vjen një person që ti e ke harruar fare… dhe thotë: ‘E sheh? Është i yti!’”
Ai pranoi se do ta përjetonte me emocion një skenë të tillë, duke shtuar:
“Do ishte perlë.”
